تازہ ترین
روسی حکومت کی سربراہی میں ہیکرز نے دنیا بھر کے حساس کمپیوٹر راؤٹرز کو متاثر کیا، برطانیہ اور امریکہ کا الزاماسلام ٹائمز۔ امریکی اور برطانوی حکام نے الزام لگایا ہے کہ روسی حکومت کی سربراہی میں ہیکرز نے سائبر جاسوسی مہم چلائی ہے، جس میں حکومتی ایجنسیز، کاروبار اور اہم معلومات پر نظر رکھنے والوں کو ہدف بناتے ہوئے دنیا بھر کے کمپیوٹر راؤٹرز کو متاثر کیا۔ امریکا اور برطانیہ کے حکام نے ایک کانفرنس کے دوران صحافیوں کو بتایا کہ انہوں نے ان حملوں کے حوالے سے مشترکہ انتباہ جاری کرنے کا منصوبہ بنایا ہے جس کا مقصد ان راؤٹرز، جو انٹرنیٹ کے انفرا اسٹرکچر کو سائبر جاسوسی مہم کا نشانہ بنا رہے ہیں، کو مستقبل کے لیے خبردار کرنا ہے۔ وائٹ ہاؤس کے سائبر سیکیورٹی کے کوآرڈینیٹر روب جوئس کا کہنا تھا کہ ہم جب سائبر سرگرمیوں میں دخل اندازیاں دیکھتے ہیں، چاہے وہ مجرمانہ یا دیگر قومی ریاستی اداروں کی سرگرمیاں ہوں، اس میں فوری مداخلت کی کوشش کرتے ہیں۔ خیال رہے کہ وائٹ ہاؤس نے فروری کے مہینے میں روس پر 2017 کے دوران سائبر حملہ کرنے کا الزام لگایا تھا اور برطانوی حکومت کے ساتھ مل کر روس کو یوکرین کے انفرا اسٹرکچر میں در اندازی اور عالمی طور پر کمپیوٹرز کو نقصان پہنچانے کی مذمت کی تھی۔ امریکا کے خفیہ اداروں نے نتیجہ اخذ کیا تھا کہ ماسکو نے 2016 کے صدارتی انتخابات میں دخل اندازی کی تھی اور وفاقی استغاثہ اس معاملے پر تحقیقات کر رہا ہے کہ گویا ڈونلڈ ٹرمپ کی مہم میں ووٹ حاصل کرنے کے لیے روسیوں کی خدمات حاصل کی گئی تھیں یا نہیں۔ واضح رہے کہ ماسکو اور ڈونلڈ ٹرمپ کی جانب سے ان الزامات کو مسترد کردیا گیا تھا۔ امریکا اور برطانوی حکومت کا کہنا تھا کہ انہوں نے اس حوالے سے گزشتہ روز مشترکہ رپورٹ شائع کرنے کا فیصلہ کیا ہے جس میں حملوں کے حوالے سے تکنیکی معلومات دی جائیں گی تاکہ اداروں کو یہ معلوم ہوسکے کہ انہیں ہیک کیا گیا ہے اور مستقبل میں ایسے حملوں سے بچنے کے لیے پیشی اقدام اٹھا سکیں۔ حکومت نے متاثرین سے اس حوالے سے رپورٹ بھی طلب کی ہے تاکہ وہ اس مہم سے پڑنے والے اثرات کو بہتر طریقے سے سمجھ سکیں۔ امریکا کے ہوم لینڈ سیکیورٹی ڈپارٹمنٹ کے سائبر سیکیورٹی کے حکام جینیٹ مانفرا کا کہنا تھا کہ ہمیں سائبر حملے سے ہونے والے نقصان کے حوالے سے مکمل معلومات نہیں ہیں۔ امریکی اور برطانوی حکام نے خدشہ ظاہر کیا تھا کہ متاثرہ راؤٹرز کو مستقبل میں خطرناک سائبر آپریشنز کے لیے بھی استعمال کیا جاسکتا ہے۔

امریکہ، برطانیہ اور فرانس نے داعش کی شکست کا انتقام لینے کیلئے شام پر حملہ کیا ہے، بشار الجعفری

شام کی حکومت نے امریکہ، برطانیہ اور فرانس پر مشتمل سہ فریقی جارح اتحاد کو منافق اور جھوٹا قرار دیا ہے۔ سلامتی کونسل کے اجلاس سے خطاب کرتے ہوئے اقوام متحدہ میں شام کے مستقل مندوب بشار الجعفری کا کہنا تھا کہ امریکہ، برطانیہ اور فرانس نے داعش کی شکست کا انتقام لینے کے لئے شام پر حملہ کیا ہے۔ انہوں نے شام پر حملے کو خود سرانہ قرار دیتے ہوئے کہا کہ اقوام متحدہ کی سلامتی کونسل نے امریکہ، فرانس اور برطانیہ کو شام پر حملے کی اجازت نہیں دی تھی۔ بشار الجعفری نے کہا کہ جارحیت کرنے والے ممالک جتنا بھی جھوٹ بولیں، انہیں دنیا میں رسوائی کے سوا کچھ ہاتھ نہیں آئے گا۔ اقوام متحدہ میں روس کے مستقل نمائندے ویسلے نبنزیا نے بھی سلامتی کونسل کے ہنگامی اجلاس سے خطاب کرتے ہوئے کہا کہ شام پر امریکہ اور اس کے اتحادیوں کا حملہ غیر قانونی اور اقوام متحدہ کے منشور کی کھلی خلاف ورزی ہے۔ انہوں نے برطانیہ اور فرانس پر بھی کڑی نکتہ چینی کرتے ہوئے کہا کہ امریکہ کی اندرونی سیاست کی پیروی کرنا، لندن اور پیرس کے لئے انتہائی شرمناک ہے۔

اقوام متحدہ میں امریکی مندوب نکی ہیلی نے اس موقع پر دعویٰ کیا کہ شام پر امریکی حملہ جائز تھا اور یہ کہ دمشق کے بارے میں واشنگٹن کی پالیسی میں کوئی تبدیلی نہیں آئی ہے۔ اقوام متحدہ میں برطانیہ کے مستقل مندوب میتھیو ریکرافٹ نے بھی دعویٰ کیا کہ شام پر حملہ انتہائی موثر رہا ہے اور تباہ ہونے والے اہداف کے بارے میں ہمارے پاس مکمل اطلاعات ہیں۔ فرانس کے نمائندے فرانسوا دلاترے کا بھی دعویٰ تھا کہ اس بات میں کوئی شک نہیں ہے کہ شام کی حکومت نے دوما میں کیمائی ہتھیار استعمال کئے ہیں۔ اسی دوران اقوام متحدہ کے سیکرٹری جنرل اینٹونیو گوترش نے بھی اپنا عہدہ بچانے کے لئے دعویٰ کیا ہے کہ امریکہ نے مزید کیمیائی حملوں کو روکنے کے لئے شام میں فوجی اہداف کو نشانہ بنایا ہے۔ انہوں نے کہا کہ امریکی حملہ محدود تھا اور صرف تین مقامات کو ہی نشانہ بنایا گیا ہے۔ انہوں نے اس بات کا بھی اعتراف کیا کہ شام میں کیمیائی ہتھیاروں کے استعمال کے دعوؤں کے بارے میں ماہرین کی سطح پر تحقیقات کی ضرورت ہے اور اقوام متحدہ کیمیائی ہتھیاروں پر پابندی کی تنظیم او پی سی ڈبلیو کی جانب سے کی جانے والی تحقیقات کی حمایت کرتا ہے۔ اقوام متحدہ کے سیکرٹری جنرل نے اس بات پر افسوس کا اظہار کیا کہ سلامتی کونسل شام میں کیمیائی ہتھیاروں کے استعمال کو روکنے کی غرض سے کارآمد نظام کی تیاری میں ناکام رہی ہے۔

About A. H

ایک تبصرہ

آپ کا ای میل ایڈریس شائع نہیں کیا جائے گا.

*

Read Next

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful