تازہ ترین
روسی حکومت کی سربراہی میں ہیکرز نے دنیا بھر کے حساس کمپیوٹر راؤٹرز کو متاثر کیا، برطانیہ اور امریکہ کا الزاماسلام ٹائمز۔ امریکی اور برطانوی حکام نے الزام لگایا ہے کہ روسی حکومت کی سربراہی میں ہیکرز نے سائبر جاسوسی مہم چلائی ہے، جس میں حکومتی ایجنسیز، کاروبار اور اہم معلومات پر نظر رکھنے والوں کو ہدف بناتے ہوئے دنیا بھر کے کمپیوٹر راؤٹرز کو متاثر کیا۔ امریکا اور برطانیہ کے حکام نے ایک کانفرنس کے دوران صحافیوں کو بتایا کہ انہوں نے ان حملوں کے حوالے سے مشترکہ انتباہ جاری کرنے کا منصوبہ بنایا ہے جس کا مقصد ان راؤٹرز، جو انٹرنیٹ کے انفرا اسٹرکچر کو سائبر جاسوسی مہم کا نشانہ بنا رہے ہیں، کو مستقبل کے لیے خبردار کرنا ہے۔ وائٹ ہاؤس کے سائبر سیکیورٹی کے کوآرڈینیٹر روب جوئس کا کہنا تھا کہ ہم جب سائبر سرگرمیوں میں دخل اندازیاں دیکھتے ہیں، چاہے وہ مجرمانہ یا دیگر قومی ریاستی اداروں کی سرگرمیاں ہوں، اس میں فوری مداخلت کی کوشش کرتے ہیں۔ خیال رہے کہ وائٹ ہاؤس نے فروری کے مہینے میں روس پر 2017 کے دوران سائبر حملہ کرنے کا الزام لگایا تھا اور برطانوی حکومت کے ساتھ مل کر روس کو یوکرین کے انفرا اسٹرکچر میں در اندازی اور عالمی طور پر کمپیوٹرز کو نقصان پہنچانے کی مذمت کی تھی۔ امریکا کے خفیہ اداروں نے نتیجہ اخذ کیا تھا کہ ماسکو نے 2016 کے صدارتی انتخابات میں دخل اندازی کی تھی اور وفاقی استغاثہ اس معاملے پر تحقیقات کر رہا ہے کہ گویا ڈونلڈ ٹرمپ کی مہم میں ووٹ حاصل کرنے کے لیے روسیوں کی خدمات حاصل کی گئی تھیں یا نہیں۔ واضح رہے کہ ماسکو اور ڈونلڈ ٹرمپ کی جانب سے ان الزامات کو مسترد کردیا گیا تھا۔ امریکا اور برطانوی حکومت کا کہنا تھا کہ انہوں نے اس حوالے سے گزشتہ روز مشترکہ رپورٹ شائع کرنے کا فیصلہ کیا ہے جس میں حملوں کے حوالے سے تکنیکی معلومات دی جائیں گی تاکہ اداروں کو یہ معلوم ہوسکے کہ انہیں ہیک کیا گیا ہے اور مستقبل میں ایسے حملوں سے بچنے کے لیے پیشی اقدام اٹھا سکیں۔ حکومت نے متاثرین سے اس حوالے سے رپورٹ بھی طلب کی ہے تاکہ وہ اس مہم سے پڑنے والے اثرات کو بہتر طریقے سے سمجھ سکیں۔ امریکا کے ہوم لینڈ سیکیورٹی ڈپارٹمنٹ کے سائبر سیکیورٹی کے حکام جینیٹ مانفرا کا کہنا تھا کہ ہمیں سائبر حملے سے ہونے والے نقصان کے حوالے سے مکمل معلومات نہیں ہیں۔ امریکی اور برطانوی حکام نے خدشہ ظاہر کیا تھا کہ متاثرہ راؤٹرز کو مستقبل میں خطرناک سائبر آپریشنز کے لیے بھی استعمال کیا جاسکتا ہے۔

ایٹمی دھماکے،9وفاقی وزراء میں سے کتنے دھماکوں کے مخالف اورکتنے حق میں تھے،عرصے بعدسرتاج عزیز کے حیرت انگیزانکشافات

اسلام آباد(آئی این پی)مشیر خارجہ سرتاج عزیز نے کہا ہے کہ پاکستان کبھی بھی کشمیر سے پیچھے نہیں ہٹے گا ، پاکستان ہمیشہ مذاکرات کیلئے تیار ہے مگر بھارت کی طرف سے ہمیشہ ٹال مٹول سے کام لیا گیا ، پرویز مشرف نے کشمیر کاز کیلئے کوئی کام نہیں کیا ، 1999میں نواز حکومت نہ جاتی تو مسئلہ کشمیر حل ہوجاتا، کارگل نے کشمیر کاز کو بہت نقصان پہنچایا ، پاکستان نے مشکل حالات میں ایٹمی دھماکے کئے، تین وزراء فوری دھماکوں کے حامی تھے ، 6وفاقی وزراء نے مشورہ دیا تھا کہ فوری دھماکہ نہ کیا جائے ، معاملہ

سطح پر اٹھانے کا مشورہ بھی دیا تھا، ایران کے پاکستان کے ساتھ تعلقات اچھے ہیں ۔ وہ اتوار کو نجی ٹی وی کو انٹرویو دے رہے تھے ۔انہوں نے کہا کہ پاکستان نے مشکل حالات میں ایٹمی دھماکے کر کے دشمنوں کو منہ توڑجواب دیا ،تین وزراء فوری دھماکوں کے حامی تھے ، 6وفاقی وزراء نے مشورہ دیا تھا کہ فوری دھماکہ نہ کیا جائے ، معاملہ سفارتی سطح پر اٹھانے کا مشورہ بھی دیا تھا ، واجپائی حکومت کی طر ف سے کئے گئے دھماکے پاکستان کیلئے چیلنج تھا اس لئے ہم بھی پیچھے نہیں ہٹے ، نوازشریف اپنے پچھلے دور حکومت میں بھارتی وزیراعظم واجپائی کو مسئلہ کشمیر کے حل کا کہا تھا مگر کارگل وار نے کشمیر کاز کو بہت نقصان پہنچایا ، اس دور میں نواز حکومت نہ جاتی تو مسئلہ کشمیر حل ہوجاتا ۔ سرتاج عزیز نے کہا کہ پرویز مشرف نے کشمیر کاز کے لئے کوئی کام نہیں کیا ، نریندر مودی بھارت کی بالادستی چاہتا ہے اس لئے وہ سرحد پر کچھ نہ کچھ کر کے تناؤ کی کیفیت بنائے رکھنا چاہتا ہے ۔ مشیر خارجہ نے کہا کہ پاکستان کبھی بھی کشمیر سے پیچھے نہیں ہٹے گا ، پاکستان ہمیشہ مذاکرات کیلئے تیار ہے مگر بھارت کی طرف سے ہمیشہ ٹال مٹول سے کام لیا گیا ۔ افغانستان کے متعلق سوال کے جواب میں سرتاج عزیزنے کہا کہ افغان حکومت نے فیصلہ کرنا ہے وہ کیا چاہتے ہیں جبکہ ایران کے پاکستان کے ساتھ تعلقات اچھے ہیں مگر ایران بارڈر پرکچھ مسائل ہیں ۔انہوں نے کہا کہ پاکستان اور سعودیہ تعلقات اہمیت کے حامل ہیں ، پاکستان نے دہشت گردی پر قابو پا لیا ہے ، یہ بات طے ہے کہ ہم کسی اور کی جنگ کا حصہ بنیں گے ہم اپنی معیشت پر بھرپور توجہ دے رہے ہیں ۔

About وائس آف مسلم

Voice of Muslim is committed to provide news of all sort in muslim world.

ایک تبصرہ

آپ کا ای میل ایڈریس شائع نہیں کیا جائے گا.

*

Read Next

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful