بوکوحرام کے دو مراکز سے تین سو سے زائد مغویوں کی بازیابی

عسکری تنظیم بوکوحرام کے خلاف نائجیرین فوج کا آپریشن پوری قوت سے جاری ہے۔ ایک تازہ کارروائی میں فوج نے دو مراکز سے تین سو سے زائد اغوا شدہ افراد کو رہا کروا لیا ہے۔

افریقی ملک نائجیریا کی فوج نے ملکی صدر محمد بخاری کی ہدایت پرعسکری تنظیم بوکو حرام کے خلاف اپنی حالیہ کامیابیوں کا سلسلہ جاری رکھا ہوا ہے۔ فوج کی جانب سے جاری ہونے والے ایک بیان میں بتایا گیا کہ فوج کی ایک یونٹ نے اُن 338 افراد کو آزاد کروا لیا ہے جنہیں بوکوحرام نے اغوا کے بعد اپنے قبضے میں رکھا ہوا تھا۔ رہائی پانے والے افراد میں خواتین اور بچوں کی تعداد زیادہ ہے۔ مختلف عمر کے بچوں کی تعداد 192 اور خواتین کی 138 بتائی گئی ہے۔

فوج کے بیان میں مزید بتایا گیا کہ اِن افراد کو سامبیسا کے جنگلات میں قائم بوکو حرام کے دو مراکز میں مقید کر کے رکھا گیا تھا۔ یہ مراکز سامبیسا کے وسیع جنگلاتی علاقے کے اندر بُلاجیلین اور ماناواشے دیہات میں قائم تھے۔ فوجی کارروائی کے دوران اِن دونوں مراکز کی حفاظت پر مامور جہادیوں سے مسلح جھڑپ کو بھی رپورٹ کیا گیا۔ فوج نے دعویٰ کیا ہے کہ کم از کم تیس جہادیوں کو جھڑپ کے دوران ہلاک بھی کر دیا گیا۔ مراکز پر قبضے کے بعد تلاشی کے دوران فوج نے اسلحے اور ہتھیاروں کے بڑے ذخیرے کو اپنے قبضے میں لیا ہے۔ تاہم ان خبروں کی آزاد ذرائع سے تصدیق نہیں ہو سکی ہے۔ سامبیسا کا جنگلاتی علاقہ نائجیریا کے شورش زدہ شمال مشرق میں واقع ہے۔

بوکوحرام کا جھنڈا اب کئی مقامات سے فوجی آپریشن کے بعد اتار دیا گیا ہے

نائجیریا کی زمینی فوج کو ایئر فورس کے جنگی طیاروں کی مدد بھی حاصل ہے۔ نائجیرین ایئر فورس کے سربراہ صدیق ابوبکر کا کہنا ہے کہ ہوائی حملوں سے عسکریت پسندوں کے ٹھکانوں کو جس طرح تباہ کیا جا رہا ہے، وہ زمینی فوج کی پیش قدمی میں معاونت کا باعث بنے ہیں اور فوجی دستے کامیابی سے جہادیوں کے ٹھکانوں کا صفایا کرتے جا رہے ہیں۔ ایئر فورس نے اپنے تازہ بیان میں کہا ہے کہ ٹھکانوں کے ساتھ ساتھ فضا سے جاری نگرانی کے دوران اب بوکوحرام کے ایندھن اور گاڑیوں کے قافلوں کو بھی نشانہ بنانے کا سلسلے شروع ہے۔

نائجیریا کے موجودہ صدر محمد بخاری نے رواں برس مئی میں صدارتی الیکشن جیت کر منصبِ صدارت سنبھالا تھا۔ انہوں نے اپنی انتخابی مہم میں بار بار کہا تھا کہ اگر وہ صدر بن گئے تو بوکوحرام کے فتنے کا نام و نشان مٹا دیں گے۔ بخاری نے اپنے فوجی کمانڈروں کو رواں برس دسمبر تک کی مہلت دے رکھی ہے کہ وہ بوکوحرام کو مکمل طور پر شکست دے کر اِس کا صفایا کر دیں۔

About وائس آف مسلم

Voice of Muslim is committed to provide news of all sort in muslim world.

ایک تبصرہ

آپ کا ای میل ایڈریس شائع نہیں کیا جائے گا.

*

Read Next

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful