بھارت اور پاکستان امن کا راستہ اختیار کریں، ڈاکٹر فاروق عبداللہ

بھارت کی مرکزی حکومت کے غلط پالیسی، غیر سنجیدگی اور غیر ذمہ دارانہ بیان بازی کا خمیازہ جموں و کشمیر کے عوام کو بھگتنا پڑ رہا ہے، ایک طرف بھاجپا نے پی ڈی پی کے ساتھ مل کر مقبوضہ کشمیر کے اندر تباہی مچا دی ہے جبکہ دوسری جانب سرحدی علاقوں کے لوگوں کو بھی پریشانوں اور مشکلات کے بھنور میں ڈال دیا ہے۔ ان باتوں کا اظہار جموں و کشمیر نیشنل کانفرنس کے سربراہ ڈاکٹر فاروق عبداللہ نے منڈی پونچھ میں فقید المثال عوامی اجتماع سے خطاب کرتے ہوئے کیا۔ اجتماع سے پارٹی جنرل سکریٹری علی محمد ساگر، سینئر نائب صدر مشتاق احمد بخاری، صدرِ صوبہ جموں دیوندر سنگھ رانا، پارٹی کے صوبائی یوتھ صدر و سابق ایم ایل اے اعجاز جان اور نائب صدر صوبہ جموں خواتین ونگ بملا لتھرا کے علاوہ کئی سرکردہ لیڈران نے خطاب کیا۔

ڈاکٹر فاروق عبداللہ نے اپنے خطاب میں کہا کہ بھارتی حکومت میں بیٹھے لوگ دہلی سے پاکستان میں جھنڈا گاڑنے کی باتیں کرتے ہیں، لیکن ابھی تک ایسا ہوا نہیں، اُس پار کی ایک انچ زمین بھی حاصل نہیں کی جاسکی اور نہ ہی مستقبل میں ایسا ہونے کا کوئی اندیشہ ہے۔ انہوں نے کہا کہ یہ لوگ دہلی میں بیٹھ کر غیر ذمہ دارانہ بیان بازی کرتے ہیں اور یہاں کی آبادی کو خمیازہ اُٹھانا پڑتا ہے۔ انہوں نے کہا کہ لائن آف کنٹرول کے اُس پار بھی ہمارے لوگ مرتے ہیں اور اِس پار بھی ہمارے لوگ نشانہ بن رہے ہیں۔ نیشنل کانفرنس کے سربراہ نے کہا کہ پاکستان کے پاس ایٹم بم ہے، بھارت کے پاس بھی ایٹم بم ہے اور چین کے پاس اس سے زیادہ تباہی اور بربادی پھیلانے والے ہتھیار موجود ہیں، اس کے برعکس اہل کشمیر کے پاس اوپر والے کے نام کے سوا کچھ نہیں ہے، اس لئے ضروری ہے کہ تمام مسائل بشمول مسئلہ کشمیر کا حل افہام و تفہیم کے ساتھ ڈھونڈ نکالا جائے۔

About A. H

ایک تبصرہ

آپ کا ای میل ایڈریس شائع نہیں کیا جائے گا.

*

Read Next

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful