تازہ ترین
روسی حکومت کی سربراہی میں ہیکرز نے دنیا بھر کے حساس کمپیوٹر راؤٹرز کو متاثر کیا، برطانیہ اور امریکہ کا الزاماسلام ٹائمز۔ امریکی اور برطانوی حکام نے الزام لگایا ہے کہ روسی حکومت کی سربراہی میں ہیکرز نے سائبر جاسوسی مہم چلائی ہے، جس میں حکومتی ایجنسیز، کاروبار اور اہم معلومات پر نظر رکھنے والوں کو ہدف بناتے ہوئے دنیا بھر کے کمپیوٹر راؤٹرز کو متاثر کیا۔ امریکا اور برطانیہ کے حکام نے ایک کانفرنس کے دوران صحافیوں کو بتایا کہ انہوں نے ان حملوں کے حوالے سے مشترکہ انتباہ جاری کرنے کا منصوبہ بنایا ہے جس کا مقصد ان راؤٹرز، جو انٹرنیٹ کے انفرا اسٹرکچر کو سائبر جاسوسی مہم کا نشانہ بنا رہے ہیں، کو مستقبل کے لیے خبردار کرنا ہے۔ وائٹ ہاؤس کے سائبر سیکیورٹی کے کوآرڈینیٹر روب جوئس کا کہنا تھا کہ ہم جب سائبر سرگرمیوں میں دخل اندازیاں دیکھتے ہیں، چاہے وہ مجرمانہ یا دیگر قومی ریاستی اداروں کی سرگرمیاں ہوں، اس میں فوری مداخلت کی کوشش کرتے ہیں۔ خیال رہے کہ وائٹ ہاؤس نے فروری کے مہینے میں روس پر 2017 کے دوران سائبر حملہ کرنے کا الزام لگایا تھا اور برطانوی حکومت کے ساتھ مل کر روس کو یوکرین کے انفرا اسٹرکچر میں در اندازی اور عالمی طور پر کمپیوٹرز کو نقصان پہنچانے کی مذمت کی تھی۔ امریکا کے خفیہ اداروں نے نتیجہ اخذ کیا تھا کہ ماسکو نے 2016 کے صدارتی انتخابات میں دخل اندازی کی تھی اور وفاقی استغاثہ اس معاملے پر تحقیقات کر رہا ہے کہ گویا ڈونلڈ ٹرمپ کی مہم میں ووٹ حاصل کرنے کے لیے روسیوں کی خدمات حاصل کی گئی تھیں یا نہیں۔ واضح رہے کہ ماسکو اور ڈونلڈ ٹرمپ کی جانب سے ان الزامات کو مسترد کردیا گیا تھا۔ امریکا اور برطانوی حکومت کا کہنا تھا کہ انہوں نے اس حوالے سے گزشتہ روز مشترکہ رپورٹ شائع کرنے کا فیصلہ کیا ہے جس میں حملوں کے حوالے سے تکنیکی معلومات دی جائیں گی تاکہ اداروں کو یہ معلوم ہوسکے کہ انہیں ہیک کیا گیا ہے اور مستقبل میں ایسے حملوں سے بچنے کے لیے پیشی اقدام اٹھا سکیں۔ حکومت نے متاثرین سے اس حوالے سے رپورٹ بھی طلب کی ہے تاکہ وہ اس مہم سے پڑنے والے اثرات کو بہتر طریقے سے سمجھ سکیں۔ امریکا کے ہوم لینڈ سیکیورٹی ڈپارٹمنٹ کے سائبر سیکیورٹی کے حکام جینیٹ مانفرا کا کہنا تھا کہ ہمیں سائبر حملے سے ہونے والے نقصان کے حوالے سے مکمل معلومات نہیں ہیں۔ امریکی اور برطانوی حکام نے خدشہ ظاہر کیا تھا کہ متاثرہ راؤٹرز کو مستقبل میں خطرناک سائبر آپریشنز کے لیے بھی استعمال کیا جاسکتا ہے۔

داعش مشرق وسطیٰ میں امریکی اہداف کو پایہ تکمیل تک پہنچا رہی ہے، مفتی عبدالرحمٰن عابد

جماعة الدعوة پاکستان کے مرکزی رہنما اور معروف عالم دین مفتی عبدالرحمٰن عابد نے کہا ہے کہ مسلم ممالک میں امریکی افواج کی ناکامی پر پراکسی وار شروع کر دی گئی ہے، داعش مشرق وسطیٰ میں امریکی اہداف کو پایہ تکمیل تک پہنچا رہی ہے، تکفیر کے فتنے کا بروقت سدباب کیا جانا ضروری ہوگیا ہے، ان خیالات کا اظہار انہوں نے کراچی کے علاقے نیو کراچی میں کانفرنس سے خصوصی خطاب کرتے ہوئے کیا، کانفرنس سے جامعہ دراسات الاسلامیہ کے مدیر تعلیم یحییٰ بھٹی، جماعة الدعوة شعبہ دعوت و اصلاح کراچی کے مسئول حافظ محمد امجد و دیگر نے بھی خطاب کیا۔ کانفرنس میں لوگوں کی بڑی تعداد نے شرکت کی۔

مفتی عبدالرحمٰن عابد نے کہا کہ فتنہ تکفیر اور خارجیت پر قرآن و حدیث کی واضح تعلیمات موجود ہیں، مسلمانوں کو کافر قرار دے کر واجب القتل سمجھنے والے سخت گمراہی میں مبتلا ہیں۔ انہوں نے کہا کہ تکفیر کا فتنہ عالم اسلام کیلئے ہر دور میں بدترین نقصان کا باعث بنا ہے، موجودہ دور میں اس کا سدباب نہ کیا جائے تو زمین پر بہت بڑا فساد برپا ہوگا۔ انہوں نے مزید کہا کہ داعش اسلام کا مسخ شدہ چہرہ پیش کر رہی ہے، اسے عالم اسلام کا نمائندہ نہیں کہا جا سکتا، سوچے سمجھے منصوبے کے تحت داعش کے قیام سے مسلم ملکوں میں انتشار کا ماحول پیدا کیا گیا ہے، مسلمانوں کی صفوں میں داعش کے تشدد آمیز نظریات کیلئے کوئی جگہ نہیں ہے۔

About وائس آف مسلم

Voice of Muslim is committed to provide news of all sort in muslim world.

ایک تبصرہ

آپ کا ای میل ایڈریس شائع نہیں کیا جائے گا.

*

Read Next

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful