سابق قبائلی علاقوں میں انتخابات کا شیڈول جاری، دو جولائی کو پولنگ ہو گی

الیکشن کمیشن آف پاکستان (ای سی پی) نے سابق قبائلی علاقوں کے صوبہ خیبرپختونخوا میں شامل ہونے کے بعد صوبائی اسمبلی کے 16 حلقوں پر انتخابات کے شیڈول کا اعلان کر دیا ہے جو دو جولائی کو ہوں گے۔

ای سی پی کی جانب سے جاری کیے جانے والے نوٹیفیکیشن کے مطابق، سات مئی کو ریٹرننگ افسر کی جانب سے پبلک نوٹس جاری کر دیا جائے گا جس کے بعد امیدوار نو سے 11 مئی کے دوران اپنے کاغذات نامزدگی جمع کروا سکتے ہیں۔

کاغذات نامزدگی جمع کروانے والے امیدواروں کے نام 12 مئی کو جاری کر دیئے جائیں گے جب کہ کاغذات نامزدگی کی جانچ پڑتال کی آخری تاریخ 18 مئی ہو گی۔

Elections-Schedule-300x180

الیکشن کمیشن نے مزید کہا ہے کہ کاغذات نامزدگی سے متعلق ریٹرننگ افسروں کے فیصلوں کے خلاف 22 مئی تک اپیلیں دائر کی جا سکیں گی جب کہ کاغذات نامزدگی واپس لینے کی آخری تاریخ 29 مئی ہو گی۔

الیکشن کمیشن کے مطابق، امیدواروں کو 30 مئی کو انتخابی نشان الاٹ کر دیے جائیں گے جب کہ دو جولائی کو پولنگ ہو گی۔

قبائلی اضلاع کے جن حلقوں میں پولنگ ہو گی، ان میں باجوڑ کے تین، مہمند کے دو، خیبر کے تین، کرم کے دو، اورکزئی کے ایک، شمالی وزیرستان کے دو، جنوبی وزیرستان کے دو اور سابق فرنٹیئر ریجنز کے ایک حلقے پر انتخابات ہوں گے۔

About یاور عباس

یاور عباس صحافت کا طالب علم ہے آپ وائس آف مسلم منجمنٹ کا حصہ ہیں آپ کا تعلق گلگت بلتستان سے ہے اور جی بی کے مقامی اخبارات کے لئے کالم بھی لکھتے ہیں وہاں کے صورتحال پر گہری نظر رکھتے ہیں۔

ایک تبصرہ

آپ کا ای میل ایڈریس شائع نہیں کیا جائے گا.