تازہ ترین
روسی حکومت کی سربراہی میں ہیکرز نے دنیا بھر کے حساس کمپیوٹر راؤٹرز کو متاثر کیا، برطانیہ اور امریکہ کا الزاماسلام ٹائمز۔ امریکی اور برطانوی حکام نے الزام لگایا ہے کہ روسی حکومت کی سربراہی میں ہیکرز نے سائبر جاسوسی مہم چلائی ہے، جس میں حکومتی ایجنسیز، کاروبار اور اہم معلومات پر نظر رکھنے والوں کو ہدف بناتے ہوئے دنیا بھر کے کمپیوٹر راؤٹرز کو متاثر کیا۔ امریکا اور برطانیہ کے حکام نے ایک کانفرنس کے دوران صحافیوں کو بتایا کہ انہوں نے ان حملوں کے حوالے سے مشترکہ انتباہ جاری کرنے کا منصوبہ بنایا ہے جس کا مقصد ان راؤٹرز، جو انٹرنیٹ کے انفرا اسٹرکچر کو سائبر جاسوسی مہم کا نشانہ بنا رہے ہیں، کو مستقبل کے لیے خبردار کرنا ہے۔ وائٹ ہاؤس کے سائبر سیکیورٹی کے کوآرڈینیٹر روب جوئس کا کہنا تھا کہ ہم جب سائبر سرگرمیوں میں دخل اندازیاں دیکھتے ہیں، چاہے وہ مجرمانہ یا دیگر قومی ریاستی اداروں کی سرگرمیاں ہوں، اس میں فوری مداخلت کی کوشش کرتے ہیں۔ خیال رہے کہ وائٹ ہاؤس نے فروری کے مہینے میں روس پر 2017 کے دوران سائبر حملہ کرنے کا الزام لگایا تھا اور برطانوی حکومت کے ساتھ مل کر روس کو یوکرین کے انفرا اسٹرکچر میں در اندازی اور عالمی طور پر کمپیوٹرز کو نقصان پہنچانے کی مذمت کی تھی۔ امریکا کے خفیہ اداروں نے نتیجہ اخذ کیا تھا کہ ماسکو نے 2016 کے صدارتی انتخابات میں دخل اندازی کی تھی اور وفاقی استغاثہ اس معاملے پر تحقیقات کر رہا ہے کہ گویا ڈونلڈ ٹرمپ کی مہم میں ووٹ حاصل کرنے کے لیے روسیوں کی خدمات حاصل کی گئی تھیں یا نہیں۔ واضح رہے کہ ماسکو اور ڈونلڈ ٹرمپ کی جانب سے ان الزامات کو مسترد کردیا گیا تھا۔ امریکا اور برطانوی حکومت کا کہنا تھا کہ انہوں نے اس حوالے سے گزشتہ روز مشترکہ رپورٹ شائع کرنے کا فیصلہ کیا ہے جس میں حملوں کے حوالے سے تکنیکی معلومات دی جائیں گی تاکہ اداروں کو یہ معلوم ہوسکے کہ انہیں ہیک کیا گیا ہے اور مستقبل میں ایسے حملوں سے بچنے کے لیے پیشی اقدام اٹھا سکیں۔ حکومت نے متاثرین سے اس حوالے سے رپورٹ بھی طلب کی ہے تاکہ وہ اس مہم سے پڑنے والے اثرات کو بہتر طریقے سے سمجھ سکیں۔ امریکا کے ہوم لینڈ سیکیورٹی ڈپارٹمنٹ کے سائبر سیکیورٹی کے حکام جینیٹ مانفرا کا کہنا تھا کہ ہمیں سائبر حملے سے ہونے والے نقصان کے حوالے سے مکمل معلومات نہیں ہیں۔ امریکی اور برطانوی حکام نے خدشہ ظاہر کیا تھا کہ متاثرہ راؤٹرز کو مستقبل میں خطرناک سائبر آپریشنز کے لیے بھی استعمال کیا جاسکتا ہے۔

علمائے کرام نے عاصمہ جہانگیر کی مخلوط نماز جنازہ کو غیر شرعی قرار دیدیا

لاہور: علمائے کرام نے عاصمہ جہانگیر کی مخلوط نماز جنازہ کو غیر شرعی قرار دیدیا۔ علماء کا کہنا ہے کہ اس طرح نماز جنازہ ادا کرنے کی اسلام میں کوئی گنجائش نہیں۔غیر شرعی فعل کی ذمہ داری نماز جنازہ کی امامت کرنیوالے اور نماز جنازہ کا اہتمام کرنیوالے تمام افراد پرعائد ہوتی ہے۔

جامعہ نعیمیہ کے مہتتم علامہ ڈاکٹر راغب حسین نعیمی نے کہا کہ خواتین کیلئے نمازجنازہ میں شرکت کرنا فرض ہے نہ واجب، نمازجناہ میں شریک ہونیوالی عورتوں نے ایک ایسا کام کیا ہے جو خواتین کے ذمہ تھا ہی نہیں۔ خواتین نے اسلام کے اس اہم فعل میں اس طرح کھلے میدان میں بے پردہ شرکت کرکے انتہائی غیر شرعی فعل سرانجام دیا ہے۔ ڈاکٹر راغب نعیمی کا کہنا تھا کہ نماز جنازہ کا اہتمام کرنیوالوں کو پہلے سے علم تھا کہ نمازجنازہ کے موقع پر خواتین بھی آئیں گی تو انہیں الگ انتظام کرنا چاہیئے تھا اور کسی بڑے ہال میں یا اسی میدان میں ٹینٹ لگا کر خواتین کی صفوں کو مردوں کے پیچھے ہونا چاہیئے تھا۔

انہوں نے کہا کہ حیدر فاروق مودودی کوئی عالم دین نہیں، لیکن اس غر شرعی فعل کی ذمہ داری جنازہ پڑھانے والے اور ان کے منتظمین پر عائد ہوتی ہے۔ شیعہ علماء کونسل کے نائب صدر حافظ کاظم رضا نقوی نے بھی مخلوط نماز جنازہ کو غیر شرعی قرر دیتے ہوئے کہا کہ نماز جنازہ میں شرکت کرنیوالی خواتین وکلا اور انسانی حقوق کی کارکنوں کو اپنی ساتھی کی انتقال پر تعزیت کیلئے آنا تھا تو ان کے گھر جا کرتعزیت کرتیں۔ اس طرح نماز جنازہ کی ادائیگی کی اسلام اجازت نہیں دیتا اور نہ ہی اس کو شرعی فعل قرار دیا جا سکتا ہے۔ اہلحدیث عالم دین مولانا عبدالوہاب روپڑی کا اس بارے میں کہنا تھا کہ خواتین کا نماز جنازہ پڑھنا غیر شرعی نہیں، لیکن عاصمہ جہانگیر کی نمازجنازہ جس طرح ادا کی گئی ہے وہ مکمل شریعت کیخلاف ہے۔

انہوں نے کہا کہ جب حضرت بیضا کے 2 بیٹے وفات پا گئے تو ام المومنین حضرت عائشہ نے حکم دیا کہ ان کی نماز جنازہ مسجد میں اد اکی جائے تاکہ وہ بھی ان کی نماز جنازہ میں شریک ہو سکیں۔ خواتین نماز جنازہ پڑھ تو سکتی ہیں لیکن شریعت مخلوط نماز جنازہ کی اجازت نہیں دیتی۔

About وائس آف مسلم

Voice of Muslim is committed to provide news of all sort in muslim world.

ایک تبصرہ

آپ کا ای میل ایڈریس شائع نہیں کیا جائے گا.

*

Read Next

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful