تازہ ترین
روسی حکومت کی سربراہی میں ہیکرز نے دنیا بھر کے حساس کمپیوٹر راؤٹرز کو متاثر کیا، برطانیہ اور امریکہ کا الزاماسلام ٹائمز۔ امریکی اور برطانوی حکام نے الزام لگایا ہے کہ روسی حکومت کی سربراہی میں ہیکرز نے سائبر جاسوسی مہم چلائی ہے، جس میں حکومتی ایجنسیز، کاروبار اور اہم معلومات پر نظر رکھنے والوں کو ہدف بناتے ہوئے دنیا بھر کے کمپیوٹر راؤٹرز کو متاثر کیا۔ امریکا اور برطانیہ کے حکام نے ایک کانفرنس کے دوران صحافیوں کو بتایا کہ انہوں نے ان حملوں کے حوالے سے مشترکہ انتباہ جاری کرنے کا منصوبہ بنایا ہے جس کا مقصد ان راؤٹرز، جو انٹرنیٹ کے انفرا اسٹرکچر کو سائبر جاسوسی مہم کا نشانہ بنا رہے ہیں، کو مستقبل کے لیے خبردار کرنا ہے۔ وائٹ ہاؤس کے سائبر سیکیورٹی کے کوآرڈینیٹر روب جوئس کا کہنا تھا کہ ہم جب سائبر سرگرمیوں میں دخل اندازیاں دیکھتے ہیں، چاہے وہ مجرمانہ یا دیگر قومی ریاستی اداروں کی سرگرمیاں ہوں، اس میں فوری مداخلت کی کوشش کرتے ہیں۔ خیال رہے کہ وائٹ ہاؤس نے فروری کے مہینے میں روس پر 2017 کے دوران سائبر حملہ کرنے کا الزام لگایا تھا اور برطانوی حکومت کے ساتھ مل کر روس کو یوکرین کے انفرا اسٹرکچر میں در اندازی اور عالمی طور پر کمپیوٹرز کو نقصان پہنچانے کی مذمت کی تھی۔ امریکا کے خفیہ اداروں نے نتیجہ اخذ کیا تھا کہ ماسکو نے 2016 کے صدارتی انتخابات میں دخل اندازی کی تھی اور وفاقی استغاثہ اس معاملے پر تحقیقات کر رہا ہے کہ گویا ڈونلڈ ٹرمپ کی مہم میں ووٹ حاصل کرنے کے لیے روسیوں کی خدمات حاصل کی گئی تھیں یا نہیں۔ واضح رہے کہ ماسکو اور ڈونلڈ ٹرمپ کی جانب سے ان الزامات کو مسترد کردیا گیا تھا۔ امریکا اور برطانوی حکومت کا کہنا تھا کہ انہوں نے اس حوالے سے گزشتہ روز مشترکہ رپورٹ شائع کرنے کا فیصلہ کیا ہے جس میں حملوں کے حوالے سے تکنیکی معلومات دی جائیں گی تاکہ اداروں کو یہ معلوم ہوسکے کہ انہیں ہیک کیا گیا ہے اور مستقبل میں ایسے حملوں سے بچنے کے لیے پیشی اقدام اٹھا سکیں۔ حکومت نے متاثرین سے اس حوالے سے رپورٹ بھی طلب کی ہے تاکہ وہ اس مہم سے پڑنے والے اثرات کو بہتر طریقے سے سمجھ سکیں۔ امریکا کے ہوم لینڈ سیکیورٹی ڈپارٹمنٹ کے سائبر سیکیورٹی کے حکام جینیٹ مانفرا کا کہنا تھا کہ ہمیں سائبر حملے سے ہونے والے نقصان کے حوالے سے مکمل معلومات نہیں ہیں۔ امریکی اور برطانوی حکام نے خدشہ ظاہر کیا تھا کہ متاثرہ راؤٹرز کو مستقبل میں خطرناک سائبر آپریشنز کے لیے بھی استعمال کیا جاسکتا ہے۔

‘فیس بک‘ پر اسرائیل مخالف مواد پوسٹ کرنے پر فلسطینی کو قید کی سزا

یروشلم (مانیٹرنگ ڈیسک) اسرائیل کی ایک مقامی عدالت نے زیرحراست ایک سماجی کارکن خالد جمال فراج کو چھ ماہ کے لیے قابل تجدید انتظامی قید کی سزا سنائی ہے۔ اسرائیل کی مجسٹریٹ عدالت نے 30 سالہ خالد فراج کو سماجی رابطے کے ویب سائیٹ ’فیس بک‘ پر اسرائیل مخالف مواد پوسٹ کرنے کے الزام میں چھ ماہ قید کی سزا سنائی ہے۔خیال رہے کہ اسرائیلی فوج نے فراج کو دس روز قبل حراست میں لیا تھا۔

اس کے خلاف عدالت میں پیشی کے موقع پر اسرائیلی پولیس نے موقف اختیار کیا کہ ملزم ’فیس بک‘ پر اسرائیل کے خلاف نفرت پر اکسانے والا مواد پوسٹ کرتا ہے۔پہلے اسرائیلی عدالت نے فراج کو چار ہزار شیکل جرمانہ کے عوض رہا کرنے کا حکم دیا مگر اس کے بعد اچانک فیصلہ تبدیل کرتے ہوئے اسے چھ ماہ کی انتظامی حراست کی سزا سنادی۔

انسانی حقوق کے کارکنوں کاکہنا ہے کہ فلسطینی شہری کے خلاف عاید کردہ الزامات ایک خاتون جج نے سنیں۔ اس نے فیس بک پر موجود اس کے پوسٹ کردہ مواد کا بھی جائزہ لیا۔ ایک متنازع قرار دی گئی پوسٹ میں کو صرف 22 افراد نے لائیک کیا تھا۔ اس پر خاتون جج نے فلسطینی شہریو کو جرمانہ کی وصولی کے بعد رہا کرنے کا حکم دیا تاہم اسرائیلی پراسیکیوٹر نے اس کی رہائی ک فیصلہ معطل کرنے کی درخواست دی۔ بعد ازاں اسے چھ ماہ کے لیے جیل میں ڈال دیا گیا۔

About وائس آف مسلم

Voice of Muslim is committed to provide news of all sort in muslim world.

ایک تبصرہ

آپ کا ای میل ایڈریس شائع نہیں کیا جائے گا.

*

Read Next

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful