تازہ ترین
روسی حکومت کی سربراہی میں ہیکرز نے دنیا بھر کے حساس کمپیوٹر راؤٹرز کو متاثر کیا، برطانیہ اور امریکہ کا الزاماسلام ٹائمز۔ امریکی اور برطانوی حکام نے الزام لگایا ہے کہ روسی حکومت کی سربراہی میں ہیکرز نے سائبر جاسوسی مہم چلائی ہے، جس میں حکومتی ایجنسیز، کاروبار اور اہم معلومات پر نظر رکھنے والوں کو ہدف بناتے ہوئے دنیا بھر کے کمپیوٹر راؤٹرز کو متاثر کیا۔ امریکا اور برطانیہ کے حکام نے ایک کانفرنس کے دوران صحافیوں کو بتایا کہ انہوں نے ان حملوں کے حوالے سے مشترکہ انتباہ جاری کرنے کا منصوبہ بنایا ہے جس کا مقصد ان راؤٹرز، جو انٹرنیٹ کے انفرا اسٹرکچر کو سائبر جاسوسی مہم کا نشانہ بنا رہے ہیں، کو مستقبل کے لیے خبردار کرنا ہے۔ وائٹ ہاؤس کے سائبر سیکیورٹی کے کوآرڈینیٹر روب جوئس کا کہنا تھا کہ ہم جب سائبر سرگرمیوں میں دخل اندازیاں دیکھتے ہیں، چاہے وہ مجرمانہ یا دیگر قومی ریاستی اداروں کی سرگرمیاں ہوں، اس میں فوری مداخلت کی کوشش کرتے ہیں۔ خیال رہے کہ وائٹ ہاؤس نے فروری کے مہینے میں روس پر 2017 کے دوران سائبر حملہ کرنے کا الزام لگایا تھا اور برطانوی حکومت کے ساتھ مل کر روس کو یوکرین کے انفرا اسٹرکچر میں در اندازی اور عالمی طور پر کمپیوٹرز کو نقصان پہنچانے کی مذمت کی تھی۔ امریکا کے خفیہ اداروں نے نتیجہ اخذ کیا تھا کہ ماسکو نے 2016 کے صدارتی انتخابات میں دخل اندازی کی تھی اور وفاقی استغاثہ اس معاملے پر تحقیقات کر رہا ہے کہ گویا ڈونلڈ ٹرمپ کی مہم میں ووٹ حاصل کرنے کے لیے روسیوں کی خدمات حاصل کی گئی تھیں یا نہیں۔ واضح رہے کہ ماسکو اور ڈونلڈ ٹرمپ کی جانب سے ان الزامات کو مسترد کردیا گیا تھا۔ امریکا اور برطانوی حکومت کا کہنا تھا کہ انہوں نے اس حوالے سے گزشتہ روز مشترکہ رپورٹ شائع کرنے کا فیصلہ کیا ہے جس میں حملوں کے حوالے سے تکنیکی معلومات دی جائیں گی تاکہ اداروں کو یہ معلوم ہوسکے کہ انہیں ہیک کیا گیا ہے اور مستقبل میں ایسے حملوں سے بچنے کے لیے پیشی اقدام اٹھا سکیں۔ حکومت نے متاثرین سے اس حوالے سے رپورٹ بھی طلب کی ہے تاکہ وہ اس مہم سے پڑنے والے اثرات کو بہتر طریقے سے سمجھ سکیں۔ امریکا کے ہوم لینڈ سیکیورٹی ڈپارٹمنٹ کے سائبر سیکیورٹی کے حکام جینیٹ مانفرا کا کہنا تھا کہ ہمیں سائبر حملے سے ہونے والے نقصان کے حوالے سے مکمل معلومات نہیں ہیں۔ امریکی اور برطانوی حکام نے خدشہ ظاہر کیا تھا کہ متاثرہ راؤٹرز کو مستقبل میں خطرناک سائبر آپریشنز کے لیے بھی استعمال کیا جاسکتا ہے۔

متنازعہ خطے میں ملک ریاض کی سرمایہ کاری کا انکشاف۔

اسلام آباد: سینئر صحافی عالم نورحیدر  نے حالیہ دورہ گلگت بلتستان سے واپسی کے بعد انکشاف کیا ہے کہ بحریہ ٹاؤن کے مالک ملک ریاض حسین نے شنگریلا کی خریدای میں ناکامی کے بعدہنزہ میں ساڑھے تین سو کنال زمین خرید لی ہے ان کا مزید کہنا تھا کہ یہاں ملک ریاض غیر مقامی لوگوں کی آباد کاری کریں گے اور گلگت بلتستان میں جلد ہی مقامی آبادی اقلیت میں تبدیل ہوگی دوسری جانب گلگت بسین میں سنیٹر طلحہ محمودکا داماد نے بھی زمینوں کی خریداری شروع کی ہے۔اگر گلگت بلتستان کشمیر کا حصہ ہے تو کدھر گیا وہ اسٹیٹ سبجیکٹ رول جو کشمیر کے دونو ں ا طراف میں بدستور نافذ ہے صرف گلگت بلتستان میں اس کی خلاف ورزی کی جارہی ہے۔
یاد رہے گلگت بلتستان اقوام متحدہ کے قراداد کے مطابق گلگت بلتستان ایک متنازع خطہ ہے جس پر 69 سالوں سے پاکستان قابض اور یہاں کے عوام بنیادی حقوق سے محروم ہیں اقوام متحدہ اور عالمی برداری نے بھی اس مسئلے پر چپ کا روزہ رکھا ہے جبکہ غیرمقامی افراد کو اس طرح زمینین فروخت کرنا بھی لمحہ فکریہ ہیں دنیا میں اس کے واقعات بہت رونما ہوئے ہیں جسے مسئلہ فلسطین ہمارے سامنے ہیں فلسطین کے عوام نے سب پہلے باری رقم لیکر اپنی زمینیں اسرائیلیوں کو فروخت کر دیاتھا بعد میں یہودیوں نے فلسطین کے اندر ایک سازش کے تحت مسلمانو ں کو اقلیت میں تبدیل کر کے ایک نیا ریاست اسرئیل کا اعلان کردیا۔

About وائس آف مسلم

Voice of Muslim is committed to provide news of all sort in muslim world.

One comment

  1. عبدا لعلی

    یہ ایک لمحہ فکریہ ہے کیونکہ آج کل ایک انفرادی شخص صرف پیسہ کو دیکھتا ہے اس سے لامحالہ کہ ُاس کی پیسہ کی ہوس معاشرہ کو کیسی نقصان دے سکتی ہے۔اس میں جب تک پورے معاشرے کے لوگ یکجا نہیں ہونگی اس کو لگام دینا مشکل ہے-حتیٰ کہ سرکاری اہلکار بھی چند کوڑوں میں بک سکتے ہیں-

ایک تبصرہ

آپ کا ای میل ایڈریس شائع نہیں کیا جائے گا.

*

Read Next

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful