نواز شریف کے دامادنے دوسری شادی کرلی، سابق وزیراعظم کی بیٹی نے بھی اہم فیصلہ کرلیا

اسلام آباد (مانیٹرنگ ڈیسک) معروف صحافی عارف نظامی کا کہنا ہے کہ سابق وزیراعظم نواز شریف کو موبائل فون تک رسائی حاصل ہے۔نواز شریف لندن میں مقیم اپنی بیٹی اور بیٹوں کے ساتھ بات چیت کرتے رہتے ہیں۔اس کے علاوہ اُن کی کچھ دوستوں سے بھی بات ہوتی رہتی ہیں۔عارف نظامی نے دعویٰ کیا ہے کہ نواز شریف کے داماد نے دوسری شادی کر لی۔ انہوں نے کہا کہ نواز شریف کی بیٹی اسماء کی شادی اسحاق ڈار کے بیٹے علی ڈار سے ہوئی ہے۔علی ڈار نے اپنے والد کے نقش قدم پر چلتے ہوئے

دوسری شادی کر لی ہے۔اب نواز شریف کی بیٹی اسماء پاکستان واپس آنا چاہتی ہیں۔تاہم شریف خاندان نے کہا ہے کہ ہم یہ رسک نہیں لے سکتے ایسا نہ ہو اسماء شریف کو بھی پاکستان پہنچنے پر گرفتار کر لیا جائے۔ جب کہ دوسری جانب پاکستان مسلم لیگ ن کے قائد نواز شریف کی صحت پر عالمی ممتاز طبی ماہرین سے مشاورت کرنے کا فیصلہ کر لیا گیا۔ زیراعظم نواز شریف کی صحت کے حوالے سے بننے والے میڈیکل بورڈ نے مریض کے پلیٹ لٹس کی تعداد نہ بڑھنے پر گہری تشویش کا اظہار کیا ہے۔سابق وزیراعظم کی صحت کا جائزہ لینے کے لیے آج میڈیکل بورڈ کا اجلاس ہوا جس میں اس سلسلے میں دنیا بھر کے ممتاز طبی ماہرین سے مشاورت کرنے کی تجویز پر اتفاق کیا گیا ہے۔ ذرائع کا کہنا ہے کہ ادویات اور انجیکشن کے باوجود پلیٹ لٹس نہ بڑھنا خطرناک ہے،لہذا صورتحال کے حوالے سے دنیا کے ممتاز ماہرین سے طبی رائے لی جائے گی،ان کا کہنا تھا کہ میڈیکل بورڈ نواز شریف کے پلیٹ لٹس میں کمی کی وجوہات جاننے میں تاحال ناکام رہا ہے جس کے بعد بون میرو،پٹ اسکین اور لمپف نوڈز بائیو آپسی کرانے کا فیصلہ کیا گیا ہے۔ نواز شریف کے خون میں شکر کی مقدار بہت زیادہ آ رہی ہے جب کہ ذیابطیس اور دل کے عارضہ سے طبی پیچیدگیاں بڑھ رہی ہیں۔

About وائس آف مسلم

Avatar
وائس آف مسلم ویب سائٹ کو ۵ لوگ چلاتے ہیں۔ اس سائٹ سے خبریں آپ استعمال کر سکتے ہیں۔ ہماری تمام خبریں، آرٹیکلز نیک نیتی کے ساتھ شائع کیئے جاتے ہیں۔ اگر پھر بھی قارئین کی دل آزاری ہو تو منتظمین معزرت خواہ ہیں۔۔