تازہ ترین
روسی حکومت کی سربراہی میں ہیکرز نے دنیا بھر کے حساس کمپیوٹر راؤٹرز کو متاثر کیا، برطانیہ اور امریکہ کا الزاماسلام ٹائمز۔ امریکی اور برطانوی حکام نے الزام لگایا ہے کہ روسی حکومت کی سربراہی میں ہیکرز نے سائبر جاسوسی مہم چلائی ہے، جس میں حکومتی ایجنسیز، کاروبار اور اہم معلومات پر نظر رکھنے والوں کو ہدف بناتے ہوئے دنیا بھر کے کمپیوٹر راؤٹرز کو متاثر کیا۔ امریکا اور برطانیہ کے حکام نے ایک کانفرنس کے دوران صحافیوں کو بتایا کہ انہوں نے ان حملوں کے حوالے سے مشترکہ انتباہ جاری کرنے کا منصوبہ بنایا ہے جس کا مقصد ان راؤٹرز، جو انٹرنیٹ کے انفرا اسٹرکچر کو سائبر جاسوسی مہم کا نشانہ بنا رہے ہیں، کو مستقبل کے لیے خبردار کرنا ہے۔ وائٹ ہاؤس کے سائبر سیکیورٹی کے کوآرڈینیٹر روب جوئس کا کہنا تھا کہ ہم جب سائبر سرگرمیوں میں دخل اندازیاں دیکھتے ہیں، چاہے وہ مجرمانہ یا دیگر قومی ریاستی اداروں کی سرگرمیاں ہوں، اس میں فوری مداخلت کی کوشش کرتے ہیں۔ خیال رہے کہ وائٹ ہاؤس نے فروری کے مہینے میں روس پر 2017 کے دوران سائبر حملہ کرنے کا الزام لگایا تھا اور برطانوی حکومت کے ساتھ مل کر روس کو یوکرین کے انفرا اسٹرکچر میں در اندازی اور عالمی طور پر کمپیوٹرز کو نقصان پہنچانے کی مذمت کی تھی۔ امریکا کے خفیہ اداروں نے نتیجہ اخذ کیا تھا کہ ماسکو نے 2016 کے صدارتی انتخابات میں دخل اندازی کی تھی اور وفاقی استغاثہ اس معاملے پر تحقیقات کر رہا ہے کہ گویا ڈونلڈ ٹرمپ کی مہم میں ووٹ حاصل کرنے کے لیے روسیوں کی خدمات حاصل کی گئی تھیں یا نہیں۔ واضح رہے کہ ماسکو اور ڈونلڈ ٹرمپ کی جانب سے ان الزامات کو مسترد کردیا گیا تھا۔ امریکا اور برطانوی حکومت کا کہنا تھا کہ انہوں نے اس حوالے سے گزشتہ روز مشترکہ رپورٹ شائع کرنے کا فیصلہ کیا ہے جس میں حملوں کے حوالے سے تکنیکی معلومات دی جائیں گی تاکہ اداروں کو یہ معلوم ہوسکے کہ انہیں ہیک کیا گیا ہے اور مستقبل میں ایسے حملوں سے بچنے کے لیے پیشی اقدام اٹھا سکیں۔ حکومت نے متاثرین سے اس حوالے سے رپورٹ بھی طلب کی ہے تاکہ وہ اس مہم سے پڑنے والے اثرات کو بہتر طریقے سے سمجھ سکیں۔ امریکا کے ہوم لینڈ سیکیورٹی ڈپارٹمنٹ کے سائبر سیکیورٹی کے حکام جینیٹ مانفرا کا کہنا تھا کہ ہمیں سائبر حملے سے ہونے والے نقصان کے حوالے سے مکمل معلومات نہیں ہیں۔ امریکی اور برطانوی حکام نے خدشہ ظاہر کیا تھا کہ متاثرہ راؤٹرز کو مستقبل میں خطرناک سائبر آپریشنز کے لیے بھی استعمال کیا جاسکتا ہے۔

وزیر اعظم کی اوپن ہارٹ سرجری ہوئی یا ہیئر ٹرانسپلانٹیشن؟برطانوی نژاد ڈاکٹر نے بڑا دھماکہ کر دیا

واشنگٹن (مانیٹرنگ ڈیسک)وزیر اعظم کی اوپن ہارٹ سرجری،ہارلے سٹریٹ کا کلینک کاسمیٹک سرجری کے لئے مشہور،نواز شریف کے آپریشن بارے مزید کئی سوال اٹھ کھڑے ہوئے۔
نجی ٹی کے نمائندے نے لندن میں کام کرنے والے ایک ہارٹ سرجن محمد افضل سے گفتگو کی جس نے وزیر اعظم کی سرجری کو مزید مشکوک بنا دیا اور سینکڑوں سوال کھڑے کر دئیے ہیں۔محمد افضل کا کہنا ہے کہ وزیر اعظم کا آپریشن جس کلینک سے کرا یا گیا وہاں کچھ ہارٹ سپیشلسٹ بیٹھتے تو ضرور ہیں لیکن ہارلے سٹریٹ کلینک کی اصل وجہ شہرت کاسمیٹک سرجری اور ہیئرٹرانسپلاٹیشن کے لئے ہے۔محمد افضل کا یہ بھی کہنا ہے کہ وزیر اعظم کو جس بیڈ پر لیٹا دکھایا جس رہے وہاں ہارٹ سے متعلقہ کوئی مشینری نظر نہیں آ رہی ،جس کی وجہ سے ایسا لگتا ہے کہ وزیر اعظم کسی بر آمدے میں زیر علاج ہیں۔اسی طرح ڈاکٹر اٖفضل کا کہنا تھا کہ جب آپریشن ہونا تھا تو وہ وہیں موجود تھے لیکن انہیں خصوصی طور پر باہر نکال دیا گیا جیسے کہ یہاں کوئی خفیہ کام سر انجام دیا جا رہاہے۔ڈاکٹر افضل کا یہ بھی کہنا تھا کہ اس قدر سیریس مریض اور خصوصًا وزیر اعظم کے ساتھ تو ڈاکٹروں کی فوج ہونی چاہئے تھی جو لمحہ بہ لمحہ علاج کے معاملات سے قوم کو آگاہ رکھتے،لیکن یہاں تو باقاعدہ رازداری سے کام لیا جارہا ہے۔ان کا کہنا تھا کہ اس طرح کے روئیے نے وزیر اعظم کی سرجری پر سینکڑوں سوال کھڑے کر دئیے ہیں۔

About وائس آف مسلم

Voice of Muslim is committed to provide news of all sort in muslim world.

ایک تبصرہ

آپ کا ای میل ایڈریس شائع نہیں کیا جائے گا.

*

Read Next

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful