پی ٹی آئی رہنما قاتلانہ حملےمیں جاں بحق، سی سی ٹی وی فوٹیج منظرعام پر

ڈیرہ غازی خان:  قاتلانہ حملے میں زخمی ہونے والے پاکستان تحریک انصاف (پی ٹی آئی) کے سرگرم رہنما اور انشورنس کمپنی کے ریجنل مینیجر راشد بخاری چار روز زندگی و موت کی کشمکش میں مبتلا رہنے کے بعد دم توڑ گئے، جن پر حملے کی سی سی ٹی وی ویڈیو بھی سامنے آگئی۔

ڈیرہ غازی خان میں نامعلوم شخص کی فائرنگ سے پی ٹی آئی کے رہنما اور معروف انشورنس کمپنی کے ریجنل منیجر راشد بخاری کے قتل کی سی سی ٹی وی فوٹیج جیونیوز نے حاصل کرلی ہے

راشد بخاری پر حملے کا یہ واقعہ 2 جنوری کی رات تقریباً گیارہ بجے پیش آیا تھا۔

جیو نیوز کو حاصل ہونے والی فوٹیج میں دیکھا جاسکتا ہے کہ ایک ملزم راشد بخاری کے پیچھے بھاگتے ہوئے فائر کرتا ہے، فوٹیج میں ملزم کا چہرہ نظر آرہا ہے جبکہ فائرنگ سے راشد بخاری شدید زخمی ہوئے۔

سی سی ٹی وی فوٹیج میں دیکھا جاسکتا ہے کہ ایک ملزم راشد بخاری کے پیچھے بھاگتے ہوئے فائر کرتا ہے—۔ویڈیو اسکرین گریب

راشد بخاری کو فوری طور پر اسپتال منتقل کیا گیا، جہاں چار دن تک اسپتال میں زیر علاج رہنے کے بعد زخموں کی تاب نہ لاتے ہوئے 6 جنوری کی رات ساڑھے گیارہ بجے وہ دم توڑ گئے۔

پولیس کا کہنا ہے کہ سی سی ٹی وی فوٹیج کی مدد سے ملزم کو ٹریس کرنے کی کوشش کی جارہی ہے۔

 مقتول راشد بخاری انشورنس کمپنی کے ریجنل منیجر اور پاکستان تحریک انصاف کے سرگرم رہنما تھے۔

مقتول کے پسماندگان میں بیوہ، دو بیٹیاں اور والدین شامل ہیں۔

About وائس آف مسلم

Voice of Muslim is committed to provide news of all sort in muslim world.

ایک تبصرہ

آپ کا ای میل ایڈریس شائع نہیں کیا جائے گا.